రాష్ట్రవ్యాప్తంగా ఉన్న ప్రభుత్వ, ప్రైవేట్ పాఠశాలలు మరియు జూనియర్ కళాశాలల్లో విద్యార్థుల ఆధార్ నమోదు మరియు వివరాల నవీకరణ కోసం ప్రత్యేక ఆధార్ క్యాంపులను నిర్వహించనున్నారు. ఈ క్యాంపుల ద్వారా కొత్తగా ఆధార్ నమోదు చేయడం, బయోమెట్రిక్ అప్‌డేట్‌లు, మొబైల్ నంబర్ మార్పులు వంటి సేవలను అందించనున్నట్లు అధికారులు తెలిపారు.

క్యాంపులు రెండు విడతలుగా నిర్వహించనున్నారు. మొదటి విడత మార్చి 9 నుండి 13 వరకు, రెండో విడత మార్చి 23 నుండి 26 వరకు జరగనున్నాయి. విద్యార్థులు తమ ఆధార్ కార్డు, అవసరమైన పత్రాలతో క్యాంపులకు హాజరుకావాలని విద్యాశాఖ అధికారులు సూచించారు.

విద్యార్థులందరికీ ఆధార్ వివరాలు సక్రమంగా ఉండేలా ఈ ప్రత్యేక క్యాంపులు నిర్వహిస్తున్నామని, తల్లిదండ్రులు కూడా సహకరించాలని అధికారులు కోరారు.