మూడు విడతల గ్రామ పంచాయతీ ఎన్నికలు విజయవంతం

ఎన్నికల అధికారులకు, సిబ్బందికి కలెక్టర్ హనుమంత రావు అభినందనలు

స్థానికం ప్రతినిధి

యాదాద్రి భువనగిరి జిల్లా వ్యాప్తంగా మూడు విడతలుగా నిర్వహించిన గ్రామ పంచాయతీ ఎన్నికలు ప్రశాంతంగా, సజావుగా ముగిసిన సందర్భంగా జిల్లా ఎన్నికల అధికారి, కలెక్టర్ హనుమంత రావు ఎన్నికల విధుల్లో పాల్గొన్న అధికారులకు, సిబ్బందికి హృదయపూర్వక శుభాకాంక్షలు తెలిపారు.

ఎన్నికల నిర్వహణలో అధికారులు, సిబ్బంది చూపిన క్రమశిక్షణ, నిబద్ధత, అంకితభావం అభినందనీయమని కలెక్టర్ పేర్కొన్నారు. ప్రజాస్వామ్య విలువలను కాపాడుతూ, ఎలాంటి అవాంఛనీయ ఘటనలకు తావు లేకుండా ప్రశాంత వాతావరణంలో ఎన్నికలు నిర్వహించడంలో అందరూ సమన్వయంతో పనిచేశారని ప్రశంసించారు.

భవిష్యత్తులోనూ ఇలాంటి బాధ్యతలను అదే ఉత్సాహంతో, విజయవంతంగా నిర్వర్తించాలని ఆకాంక్షిస్తూ, ఎన్నికల ప్రక్రియకు సహకరించిన ప్రతి ఒక్కరికీ మరోసారి అభినందనలు, శుభాకాంక్షలు తెలిపారు.