హిందువుల అత్యంత పవిత్ర పర్వదినమైన మహాశివరాత్రి నాడు భక్తులు భక్తిశ్రద్ధలతో శివారాధన చేస్తారు. అయితే తెలియక చేసే కొన్ని పొరపాట్లు పూజా ఫలాన్ని తగ్గిస్తాయని పండితులు హెచ్చరిస్తున్నారు.

❌ ఇవి చేయకండి...

శివుడికి తులసి ఆకులు సమర్పించరాదు.

పసుపు, కుంకుమతో అభిషేకం చేయరాదు.

శంఖంతో నీరు పోయడం నివారించాలి.

రాగి పాత్రలతో అభిషేకం చేయకూడదు.

✅ ఇవే శివార్చనకు శ్రేష్ఠం...

బిల్వపత్రాలు సమర్పించడం అత్యంత పుణ్యప్రదం.

విభూతి ధరించడం శివప్రసాదంగా భావించాలి.పాలు, నీరు, తేనెతో అభిషేకం చేయవచ్చు.

ఉపవాసం – నియమ నిష్ఠతో

ఉపవాసం ఉన్నవారు మాంసాహారం, ఉల్లి, వెల్లుల్లి వంటి తామసిక ఆహారాలకు దూరంగా ఉండాలి. శుద్ధమైన ఆహారమే స్వీకరించాలి.

జాగరణ అంటే ఏమిటి?

జాగరణ అంటే వినోదం కాదు. రాత్రంతా భక్తితో ‘ఓం నమః శివాయ’ మంత్రాన్ని స్మరిస్తూ శివధ్యానం చేయడమే అసలైన జాగరణగా పరిగణిస్తారు.