మండల కేంద్రంలోని కృష్ణవేణి టాలెంట్ స్కూల్‌లో శనివారం స్వపరిపాలన దినోత్సవ వేడుకలు ఘనంగా నిర్వహించారు. ఈ సందర్భంగా విద్యార్థులు ఉపాధ్యాయులు, పరిపాలనా అధికారులు వంటి వివిధ పాత్రలు పోషిస్తూ కార్యక్రమానికి ప్రత్యేక ఆకర్షణగా నిలిచారు.

ఉపాధ్యాయుల పాత్రలో ఉన్న విద్యార్థులు తరగతి గదుల్లో తమ తోటి విద్యార్థులకు పాఠ్యాంశాలను బోధిస్తూ తమ ప్రతిభా నైపుణ్యాలను చాటారు. అలాగే పరిపాలనా వ్యవస్థ పనితీరును ప్రతిబింబించేలా అధికారులు పాత్రల్లో విద్యార్థులు చురుగ్గా పాల్గొన్నారు.

ఈ కార్యక్రమంలో జిల్లా కలెక్టర్‌గా రింషా సదాఫ్, ఉప జిల్లా కలెక్టర్‌గా కె. గీతాంజలి, జిల్లా విద్యాశాఖాధికారిగా ఉమేమా బుస్రా, ఉప జిల్లా విద్యాశాఖాధికారిగా అంతుల్ హాది, మండల విద్యాశాఖాధికారిగా బి. ప్రతీక్ చారి, మండల రెవెన్యూ అధికారిగా ఎన్. జస్వంత్, పాఠశాల కరెస్పాండెంట్‌గా ఎం. రిషిత, ప్రధానోపాధ్యాయురాలిగా బి. చైత్ర విద్యార్థులు తమ పాత్రలను సమర్థవంతంగా నిర్వహించారు.అనంతరం జరిగిన సమావేశంలో పాఠశాల కరెస్పాండెంట్ గంగుల నరేందర్ రెడ్డి, ప్రధానోపాధ్యాయుడు బి. యాదగిరి, అకాడమిక్ డైరెక్టర్ జె.వి.ఎన్.ఎస్. మణి ప్రతిభ కనబర్చిన విద్యార్థులకు బహుమతులు అందజేసి అభినందించారు.ఈ కార్యక్రమంలో పాఠశాల ఉపాధ్యాయులు రషీద్, మురళి, శ్రీనివాస్, మల్లేష్, అలీం, సత్తయ్య, ఉమారాణి, మహాలక్ష్మి, పూనం దాస్, వినోద, లావణ్య, ఫారియా, విజయలక్ష్మి, కరుణ, కళ్యాణి, శ్వేతా, మమత, శ్రీలత, సంధ్య, మాధవి, ఎస్. ఉమారాణి, టి. లావణ్య, రేణుక, కవిత, అనూష, నజియా, సరిత తదితరులు పాల్గొన్నారు.