కాలిన గాయాలకు ఉచితంగా ప్లాస్టిక్ సర్జరీ

బీఎస్ఎంఎస్ సేవలు – రేపటి నుంచి రిజిస్ట్రేషన్ ప్రారంభం

హైదరాబాద్ స్థానికం ప్రతినిధి

కాలిన గాయాలతో బాధపడుతున్న బాధితులకు ఉచితంగా ప్లాస్టిక్ సర్జరీలు నిర్వహించనున్నట్లు బర్న్ సర్వైవర్ మిషన్ సేవియర్ సంస్థ (బీఎస్ఎంఎస్) డైరెక్టర్ నీహారి మండలి వెల్లడించారు. పెగాసిస్టమ్ ఆధ్వర్యంలో ఈ సేవలు అందించనున్నట్లు తెలిపారు.

ఈ నెల 18 నుంచి 22వ తేదీ వరకు బాధితుల పేర్లను రిజిస్ట్రేషన్ చేయనున్నట్లు పేర్కొన్నారు. తెలంగాణ, ఆంధ్రప్రదేశ్ రాష్ట్రాలకు చెందిన కాలిన గాయాల బాధితులు ఈ అవకాశాన్ని సద్వినియోగం చేసుకోవాలని ఆమె కోరారు.

బాధిత బాలుడితో కలిసి మాట్లాడిన నీహారి మండలి, కాలిన గాయాల వల్ల శారీరకంగా, మానసికంగా ఇబ్బందులు ఎదుర్కొంటున్న వారికి ఈ శస్త్ర చికిత్సలు ఎంతో ఉపయోగపడతాయని తెలిపారు. పూర్తిగా ఉచితంగా ప్లాస్టిక్ సర్జరీలు నిర్వహించనున్నట్లు స్పష్టం చేశారు.

రిజిస్ట్రేషన్ కోసం బాధితులు 7680974918 ఫోన్ నంబర్‌ను సంప్రదించాలని సంస్థ ప్రకటించింది.