హైదరాబాద్:

జూబ్లీహిల్స్ పోలీస్ స్టేషన్ సీఐ శ్రీనివాసులు రెడ్డిని సస్పెండ్ చేస్తూ హైదరాబాద్ పోలీస్ కమిషనర్ ఉత్తర్వులు జారీ చేశారు. ఫిర్యాదు చేసేందుకు వచ్చిన ఓ మహిళతో వ్యక్తిగత సంబంధం ఏర్పరుచుకుని విధి నియమాలను ఉల్లంఘించినట్లు శాఖాపర విచారణలో తేలిన నేపథ్యంలో ఈ చర్య తీసుకున్నట్లు సమాచారం.

విచారణలో భాగంగా, మహిళకు సంబంధించిన వీడియోలను చూపించి డబ్బులు వసూలు చేసినట్లు ఆరోపణలు వెలుగులోకి వచ్చినట్లు తెలిసింది. అలాగే సీఐ శ్రీనివాసులు రెడ్డి, బాధిత మహిళ కొంతకాలం ఒకే ఇంట్లో కలిసి నివసించినట్లు విచారణలో గుర్తించినట్లు సమాచారం.

అనంతరం మహిళను దూరం చేసుకునేందుకు ఇన్స్పెక్టర్ పలు ప్రయత్నాలు చేసినట్లు కూడా ఆరోపణలు ఉన్నాయి. ఈ అంశాలపై శాఖాపర విచారణ కొనసాగిన అనంతరం సస్పెన్షన్ ఉత్తర్వులు జారీ చేసినట్లు తెలుస్తోంది.