సంగారెడ్డి జిల్లాలోని తెలంగాణ సాంఘిక సంక్షేమ గురుకుల పాఠశాలలు, కళాశాలల్లో 2026–27 విద్యా సంవత్సరానికి తాత్కాలిక ప్రాతిపదికన పార్ట్‌టైమ్ టీచర్లను నియమించేందుకు అర్హత, ఆసక్తి ఉన్న అభ్యర్థుల నుంచి దరఖాస్తులు ఆహ్వానిస్తున్నట్లు జిల్లా కలెక్టర్ ప్రతీక్ జైన్ తెలిపారు. అభ్యర్థులు ఈ నెల 18వ తేదీ సాయంత్రం 4 గంటలలోగా చిట్కుల్‌లోని సాంఘిక సంక్షేమ గురుకుల పాఠశాలలో దరఖాస్తులు సమర్పించాలి. దరఖాస్తు చేసుకున్న వారు 19వ తేదీ ఉదయం 10 గంటలకు విద్యార్హతలకు సంబంధించిన అసలు ధ్రువపత్రాలు, రెండు తాజా పాస్‌పోర్టు సైజు ఫొటోలతో హాజరై డెమో, ఇంటర్వ్యూల్లో పాల్గొనాలి. ఇప్పటికే దరఖాస్తు చేసుకున్న వారు మళ్లీ దరఖాస్తు చేయాల్సిన అవసరం లేదని, కొత్తగా దరఖాస్తు చేసుకునే అర్హత ఉన్న అభ్యర్థులు మాత్రమే దరఖాస్తు చేసుకోవాలని తెలిపారు. మరిన్ని వివరాలకు చిట్కుల్ జిల్లా సమన్వయ అధికారిని 9704550253, 9640382248 నంబర్లలో సంప్రదించాలని సూచించారు.