హైదరాబాద్‌: డా. బి.ఆర్‌. అంబేద్కర్‌ ఓపెన్‌ యూనివర్సిటీ 2026–27 విద్యా సంవత్సరానికి బీఏడ్‌ కౌన్సెలింగ్‌ను ఈ నెల 17, 18 తేదీల్లో నిర్వహించనున్నట్లు విద్యార్థి సేవల విభాగం డైరెక్టర్‌ డా. వై. వెంకటేశ్వర్లు తెలిపారు. అర్హత సాధించిన అభ్యర్థులకు 17న మ్యాథ్స్‌, బయాలజీ, 18న సోషల్‌ స్టడీస్‌, ఫిజికల్‌ సైన్స్‌ సబ్జెక్టులకు కౌన్సెలింగ్‌ నిర్వహిస్తామని పేర్కొన్నారు.

వెబ్‌ ఆప్షన్లలో సీట్లు పొందిన విద్యార్థులు అవసరమైన ధ్రువపత్రాలతో విశ్వవిద్యాలయ ప్రధాన కార్యాలయానికి హాజరుకావాలని సూచించారు. కౌన్సెలింగ్‌కు సంబంధించిన వివరాలను విద్యార్థులు ముందుగానే పరిశీలించుకోవాలని కోరారు.

మరిన్ని వివరాలకు యూనివర్సిటీ కాల్‌సెంటర్‌ 18005990101, హెల్ప్‌డెస్క్‌ 040-23680222/333/444/555 నంబర్లను సంప్రదించవచ్చని తెలిపారు. అలాగే www.braouonline.in, www.braou.ac.in వెబ్‌సైట్లలో పూర్తి వివరాలు అందుబాటులో ఉంటాయని వెల్లడించారు.