స్థానికం ప్రధాన ప్రతినిధి

రాష్ట్రంలో తాజాగా వెలువడిన గ్రూప్‌–2 ఫలితాల్లో అనంతపురం జిల్లా తాడిపత్రి పట్టణానికి చెందిన భార్యాభర్తలు అరుదైన విజయంతో వార్తల్లో నిలిచారు. భార్య వినీత సబ్‌రిజిస్ట్రార్‌గా, భర్త హేమచంద్ర ఎక్సైజ్‌ ఇన్‌స్పెక్టర్‌గా ఎంపికై ఒకేసారి ప్రభుత్వ సేవల్లోకి అడుగుపెట్టారు.హైదరాబాద్‌లో ప్రైవేట్ ఉద్యోగాలు చేస్తూ స్థిరమైన జీవితం గడుపుతున్న సమయంలో గ్రూప్‌–2 నోటిఫికేషన్ రావడంతో ఇద్దరూ ఉద్యోగాలకు రాజీనామా చేశారు. భవిష్యత్తుపై నమ్మకంతో కఠినంగా శ్రమించి చదివారు. ఆ శ్రమకు తగిన ఫలితం దక్కింది.

భార్యాభర్తలిద్దరూ ఒకేసారి ఉద్యోగాలు సాధించడంతో వారి నివాసంలో ఆనందోత్సాహాలు వెల్లివిరిశాయి. తాడిపత్రి ప్రాంతమంతా ఈ విజయం చర్చనీయాంశంగా మారింది.ఈ ఫలితాల్లో మొత్తం 891 మంది అభ్యర్థులు గ్రూప్‌–2 ఉద్యోగాలు సాధించగా, భార్యాభర్తల విజయం ప్రత్యేక ఆకర్షణగా నిలిచింది. వారి పట్టుదల, త్యాగం యువతకు ఆదర్శంగా నిలుస్తోంది.