నారాయణఖేడ్ స్థానిక ప్రతినిధి:నారాయణఖేడ్‌లోని గిరిజన బాలికల వసతి గృహంలో సబ్ కలెక్టర్ ఉమా హారతి మంగళవారం రాత్రి ఆకస్మిక తనిఖీ నిర్వహించారు. స్టడీ అవర్స్ సమయంలో హాస్టల్‌కు చేరుకున్న ఆమె చదువులో నిమగ్నమైన విద్యార్థులతో నేరుగా మాట్లాడి వారి సమస్యలు, సదుపాయాలపై ఆరా తీశారు. చదువు వాతావరణం, వసతి పరిస్థితులు, మౌలిక సదుపాయాలపై వివరాలు తెలుసుకున్నారు. విద్యార్థులకు అవసరమైన సదుపాయాలు మెరుగుపరచాలని సంబంధిత అధికారులకు సూచనలు చేశారు.