స్థానికం ప్రతినిధి

విజయవాడ గొల్లపూడిలోని బీసీ భవన్‌లో సోమవారం జరిగిన కార్యక్రమంలో ఏపీ బెస్త సంక్షేమం అభివృద్ధి కార్పొరేషన్ రాష్ట్ర డైరెక్టర్‌గా గౌ. బెస్త రామాంజనేయులు అధికారికంగా బాధ్యతలు స్వీకరించారు. జలవనరులు, బీసీ సంక్షేమ శాఖ మంత్రి గౌ. సవితమ్మ సమక్షంలో జరిగిన ఈ ప్రమాణ స్వీకార మహోత్సవం అంగరంగ వైభవంగా సాగింది.ఈ సందర్భంగా బెస్త రామాంజనేయులు మాట్లాడుతూ, రాష్ట్రంలో బెస్తలకు సముచిత ప్రాధాన్యం కల్పించిన ముఖ్యమంత్రి నారా చంద్రబాబు నాయుడు, విద్యా–ఐటీ మంత్రి నారా లోకేష్, ఆదోని నియోజకవర్గ ఇంచార్జి కే. మీనాక్షి నాయుడులకు కృతజ్ఞతలు తెలిపారు. గత ప్రభుత్వ కాలంలో బెస్తల మత్స్యకార వృత్తిని దెబ్బతీసిన జీఓ 217ను కూటమి ప్రభుత్వం రద్దు చేయడం హర్షణీయమని పేర్కొన్నారు. బెస్తల అభ్యున్నతికి ప్రత్యేక బడ్జెట్ నిధులు మంజూరు చేయనున్నట్లు తెలిపారు.ఈ కార్యక్రమంలో కార్పొరేషన్ చైర్మన్ బొమ్మన శ్రీధర్, హౌసింగ్ డైరెక్టర్ అరెకల్ రామకృష్ణ, సామాజిక వేత్త సాయి ఫణి, కుటుంబ సభ్యులు, టీడీపీ నాయకులు, ఆదోని నియోజకవర్గానికి చెందిన బెస్త సంఘ నాయకులు, ప్రజలు పెద్ద సంఖ్యలో పాల్గొన్నారు.