దూరవిద్యార్థులకు కార్పొరేట్ దారి

హైదరాబాద్, స్థానికం ప్రధాన ప్రతినిధి

డా. బి.ఆర్. అంబేద్కర్ ఓపెన్ యూనివర్సిటీ విద్యార్థుల కోసం TCS iON – జాబ్ అచీవర్ బిజినెస్ ఆపరేషన్స్ ఎగ్జిక్యూటివ్ ప్రోగ్రామ్ ప్రారంభమైంది. వైస్ ఛాన్సలర్ ప్రొ. ఘంటా చక్రపాణి ఈ కార్యక్రమాన్ని ఆన్లైన్‌లో ప్రారంభించారు.

దూరవిద్యలో చదువుతున్న విద్యార్థులను మొదటి సెమిస్టర్ నుంచే కార్పొరేట్ రంగానికి అవసరమైన నైపుణ్యాలతో తీర్చిదిద్దేలా ఈ కోర్సును రూపొందించామని ఆయన తెలిపారు. డిగ్రీ చదువుతూనే ఏకకాలంలో పూర్తి చేయగలిగే ఈ ప్రోగ్రామ్ ద్వారా దేశ, విదేశాల్లోని కార్పొరేట్ సంస్థల్లో ఉద్యోగ అవకాశాలు అందుబాటులోకి వస్తాయని పేర్కొన్నారు.ఈ కార్యక్రమంలో అకాడమిక్ డైరెక్టర్ ప్రొ. జి. పుష్పా చక్రపాణి, EMRRC డైరెక్టర్ ప్రొ. రవీంద్రనాథ్ సోలమన్, రిజిస్ట్రార్ డా. ఎల్. విజయ కృష్ణా రెడ్డి, TCS iON ప్రాజెక్ట్ డైరెక్టర్ లీనా టిప్రే పాల్గొన్నారు.