ఎన్జీ కళాశాల డిగ్రీ ఫలితాలు విడుదల

స్థానికం ప్రతినిధి

నల్లగొండ: నల్లగొండ ఎన్జీ కళాశాల డిగ్రీ మూడో, ఐదో సెమిస్టర్ పరీక్ష ఫలితాలను మహాత్మా గాంధీ యూనివర్సిటీ కంట్రోలర్ ఆఫ్ ఎగ్జామినేషన్స్ డా. జి. ఉపేందర్ రెడ్డి శనివారం అధికారికంగా విడుదల చేశారు. నవంబర్–2025లో నిర్వహించిన ఈ పరీక్షల ఫలితాలను ఎన్జీ కళాశాల ప్రిన్సిపల్ డా. ఎస్. ఉపేందర్‌తో కలిసి ఆవిష్కరించారు.

ఈ సందర్భంగా డా. ఉపేందర్ రెడ్డి మాట్లాడుతూ విద్యార్థులు నిరంతర అధ్యయనంతో పాటు నైపుణ్యాభివృద్ధిపై దృష్టి సారిస్తే భవిష్యత్తులో మెరుగైన అవకాశాలు సాధించగలరని అన్నారు. ఫలితాల్లో మంచి ప్రతిభ చూపిన విద్యార్థులను అభినందించారు.

కార్యక్రమంలో కళాశాల వైస్ ప్రిన్సిపల్ డా. పి. రవికుమార్, డా. అంతటి శ్రీనివాస్, సీఓఈ డా. డి. మునిస్వామి, అకాడమిక్ కోఆర్డినేటర్ బి. నాగరాజు, ఎం. శ్రీనివాస్ రెడ్డి, జే. నాగరాజు, అడిషనల్ కంట్రోలర్ ఎస్. వాసుదేవ్, ఎన్. వేణు తదితర అధ్యాపకులు, అధికారులు పాల్గొన్నారు.