న్యాల్కల్,

తెలంగాణ ప్రభుత్వం ప్రతిష్టాత్మకంగా అమలు చేస్తున్న ఇందిరమ్మ ఇళ్ల పథకం కింద న్యాల్కల్ మండలంలోని చినిగేపల్లి గ్రామంలో వెంకట్ రెడ్డి నూతన ఇందిరమ్మ ఇంటి ప్రారంభోత్సవ కార్యక్రమం ఘనంగా నిర్వహించారు. ఈ సందర్భంగా కుటుంబ సభ్యులు, గ్రామ ప్రజల సమక్షంలో గృహప్రవేశం చేసి ప్రత్యేక పూజలు నిర్వహించారు.

ప్రభుత్వం పేద కుటుంబాలకు సొంతింటి కల నెరవేర్చే లక్ష్యంతో ఇందిరమ్మ ఇళ్ల పథకాన్ని అమలు చేస్తోంది. రాష్ట్రవ్యాప్తంగా పూర్తయిన ఇళ్లను దశలవారీగా లబ్ధిదారులకు అందజేస్తున్నారు. చినిగేపల్లి గ్రామంలో వెంకట్ రెడ్డి ఇంటి ప్రారంభోత్సవం సందర్భంగా స్థానిక ప్రజలు, నాయకులు శుభాకాంక్షలు తెలిపారు.

ఈ కార్యక్రమంలో మండల అధ్యక్షుడు శ్రీనివాస్ రెడ్డి, జిల్లా ప్రధాన కార్యదర్శి భాస్కర్ రెడ్డి, గ్రామ సర్పంచ్ సుధాకర్, మార్కెట్ కమిటీ వైస్ చైర్మన్ తిరుపతి రెడ్డి పాల్గొన్నారు. అలాగే హాజీ పటేల్, పంచాయతీ కార్యదర్శి గౌస్, మోహన్ రెడ్డి, కాంగ్రెస్ పార్టీ కార్యకర్తలు హాజరై కార్యక్రమాన్ని విజయవంతం చేశారు.