బంగాళాఖాతం అల్పపీడన ప్రభావం

తెలుగు రాష్ట్రాల్లో అకాల వర్షాలు

అల్పపీడన ప్రభావంతో ఆంధ్రప్రదేశ్, తెలంగాణ రాష్ట్రాల్లో అకాల వర్షాలు కురుస్తున్నాయి. పలుచోట్ల ఈదురుగాలులతో కూడిన భారీ వర్షాలు ప్రజలను ఇబ్బందులకు గురిచేస్తున్నాయి.

అనకాపల్లి జిల్లాలోని చీడికాడ ప్రాంతంలో ఈదురుగాలులతో కూడిన వర్షం తీవ్రంగా పడుతోంది. చెట్లు ఊగిపడేలా గాలులు వీచడంతో ప్రజలు అప్రమత్తంగా ఉండాలని అధికారులు సూచించారు.

అలాగే ఆసిఫాబాద్ జిల్లాలోని జైనూర్ మండలంలో గాలివాన తీవ్రత కొనసాగుతోంది. పలు ప్రాంతాల్లో ఉరుములు, మెరుపులతో కూడిన వర్షాలు కురుస్తుండటంతో సాధ్యమైనంతవరకు ప్రజలు ఇండ్లలోనే ఉండాలని హెచ్చరికలు జారీ చేశారు.

మరో రెండు రోజుల పాటు పలు జిల్లాల్లో వర్షాలు కొనసాగనున్నాయని వాతావరణ అధికారులు తెలిపారు. రైతులు పంటల సంరక్షణకు తగిన జాగ్రత్తలు తీసుకోవాలని సూచించారు. అవసరం లేకుండా బయటకు వెళ్లకుండా ప్రజలు జాగ్రత్తగా ఉండాలని విజ్ఞప్తి చేశారు.