అశ్వారావుపేట ప్రభుత్వ వైద్యశాలలో హృదయాన్ని కదిలించే అపురూప దృశ్యం కనిపించింది. ఆసుపత్రి బెడ్‌పై అనారోగ్యంతో బాధపడుతున్న భార్యకు, వణుకుతున్న చేతులతో అన్నం ముద్దలు తినిపిస్తున్న వృద్ధ భర్త అక్కడి వారిని భావోద్వేగానికి గురిచేశాడు.

వయసు పైబడినా, కష్టకాలంలోనూ భార్యను వదలని ఆ భర్త చూపిన ప్రేమ, అనుబంధం చూసిన ప్రతి ఒక్కరూ మంత్ర ముగ్ధులవుతున్నారు. ఈ దృశ్యం నిజమైన దాంపత్య బంధానికి నిలువెత్తు ఉదాహరణగా నిలిచింది.

చిన్నచిన్న కారణాలతోనే సంబంధాలను విరిచేస్తున్న నేటి సమాజంలో, ఈ వృద్ధ దంపతులు తోడు నీడగా నిలిచిన తీరు మానవీయ విలువలకు అద్దం పడుతోంది. ఆసుపత్రిలో ఉన్న రోగులు, వారి బంధువులు ఈ ఘటనను చూసి ప్రశంసలు కురిపిస్తున్నారు.