హైదరాబాద్, స్థానికం ప్రధాన ప్రతినిధి

ఇండియన్ డిస్టెన్స్ ఎడ్యుకేషన్ అసోసియేషన్ (ఐడియా), డా. బి.ఆర్. అంబేద్కర్ సార్వత్రిక విశ్వవిద్యాలయం సంయుక్తంగా “సరిహద్దులకు అతీతంగా: సరికొత్త దిశలో సార్వత్రిక విద్య” అంశంపై నిర్వహించనున్న రెండు రోజుల జాతీయ సదస్సు బ్రోచర్‌ను విడుదల చేశారు.

ఈ బ్రోచర్‌ను వైస్‌ఛాన్సలర్ ప్రొ. ఘంటా చక్రపాణి, ఐడియా అధ్యక్షులు, విశ్వవిద్యాలయ మాజీ వీసీ ప్రొ. కె. సీతారామ రావు తదితరులు ఆవిష్కరించారు.ఈ సదస్సును మార్చి 25, 26 తేదీలలో విశ్వవిద్యాలయ ప్రాంగణంలో నిర్వహించనున్నట్లు తెలిపారు. కార్యక్రమంలో అకడమిక్ డైరెక్టర్, కాన్ఫరెన్స్ డైరెక్టర్ ప్రొ. జి. పుష్ప చక్రపాణి, రిజిస్ట్రార్ డా. ఎల్. విజయకృష్ణా రెడ్డి, ఐడియా ప్రతినిధులు, వివిధ విశ్వవిద్యాలయాల అధ్యాపకులు, డైరెక్టర్లు, డీన్లు పాల్గొన్నారు.