ఉచిత రెసిడెన్షియల్ శిక్షణ – జిల్లా ఎస్సి స్టడీ సర్కిల్ డైరెక్టర్ పి. నవీన్ కుమార్

యాదాద్రి-భువనగిరి, ఫిబ్రవరి 03 :

తెలంగాణ రాష్ట్ర ఎస్సి స్టడీ సర్కిల్స్ ద్వారా నిర్వహించనున్న 5 నెలల ఫౌండేషన్ కోర్సు కు సంబంధించి ఉచిత రెసిడెన్షియల్ మరియు పోటీ పరీక్షల శిక్షణ కొరకు దరఖాస్తులను ఆహ్వానిస్తున్నట్లు జిల్లా ఎస్సి స్టడీ సర్కిల్ డైరెక్టర్ పి. నవీన్ కుమార్ తెలిపారు.

రాష్ట్ర, కేంద్ర ప్రభుత్వ ఉద్యోగాలతో పాటు బ్యాంకింగ్, ఆర్‌ఆర్‌బి, ఎస్సెస్సీ వంటి పోటీ పరీక్షలకు శిక్షణ ఇవ్వనున్నట్లు ఆయన పేర్కొన్నారు. ఈ అవకాశాన్ని యాదాద్రి–భువనగిరి జిల్లాకు చెందిన ఆసక్తి గల అభ్యర్థులు వినియోగించుకోవాలని సూచించారు.

ఎస్సి, ఎస్టీ, బిసి (బిసి-ఇ), మైనారిటీ, పిడబ్ల్యూడి వర్గాలకు చెందిన అభ్యర్థులు

ఆన్‌లైన్‌లో http://tsstudycircle.co.in వెబ్‌సైట్ ద్వారా దరఖాస్తు చేసుకోవచ్చని తెలిపారు.

స్టడీ సర్కిల్‌లో ప్రవేశాలు పోటీ పరీక్ష నిర్వహించి మెరిట్ ఆధారంగా ఎంపిక చేయబడతాయని స్పష్టం చేశారు.

దరఖాస్తుల ఆఖరి తేదీ : 22-02-2026.

ప్రవేశ పరీక్షకు సంబంధించిన హాల్ టికెట్లు ఫిబ్రవరి 25 నుంచి డౌన్లోడ్ చేసుకోవచ్చని,

మార్చి 1, 2026 (ఆదివారం) నాడు ఉదయం 11.00 గంటల నుంచి మధ్యాహ్నం 1.00 గంటల వరకు

నల్లగొండలోని నాగార్జున డిగ్రీ కళాశాలలో పోటీ పరీక్ష జరుగుతుందని తెలిపారు.

డిగ్రీ పరీక్ష ఉత్తీర్ణులై, సంవత్సరానికి రూ.3 లక్షల లోపు కుటుంబ ఆదాయం కలిగిన అభ్యర్థులు అర్హులని పేర్కొన్నారు.

దరఖాస్తు చేసుకునే సమయంలో అభ్యర్థులు కింది పత్రాలు సిద్ధం చేసుకోవాలని సూచించారు.

కుల ధృవీకరణ పత్రం

ఏప్రిల్ 1, 2025 తరువాత తీసిన ఆదాయం సర్టిఫికెట్

డిగ్రీ సర్టిఫికెట్

పదో తరగతి సర్టిఫికెట్ (వయస్సు నిర్ధారణకు)

ఆధార్ కార్డు

పాస్‌పోర్ట్ సైజు ఫోటో, సంతకం

అంగవైకల్యం సర్టిఫికెట్ (వర్తించేవారికి మాత్రమే)

గమనిక : గతంలో స్టడీ సర్కిల్స్‌లో 5 నెలల కోచింగ్ పొందినవారు లేదా సివిల్ సర్వీసెస్ స్టేట్ స్టడీ సర్కిల్‌లో శిక్షణ పొందిన వారు అర్హులు కాదని తెలిపారు.

ఇతర వివరాలకు

9396621492 నంబర్‌ను సంప్రదించాలని కోరారు.