జిల్లాలోని మున్సిపల్ వార్డుల వారీగా ఓటర్ల జాబితాకు నోటిఫికేషన్‌ జారీ

భువనగిరి - స్థానికం ప్రతినిధి

కొడారి వెంకటేష్

తెలంగాణ రాష్ట్రంలో మున్సిపల్‌ ఎన్నికల నిర్వహించేందుకు రాష్ట్ర ప్రభుత్వం చర్యలు తీసుకుంటుంది. ఇందులో భాగంగా యాదాద్రి భువనగిరి జిల్లాలో ఉన్న ఆరు మున్సిపాలిటీలకు సంబంధించి ఓటర్ల జాబితా తయారీ, ప్రచురణ కోసం రాష్ట్ర ఎన్నికల సంఘం సోమవారం అధికారిక నోటిఫికేషన్‌ విడుదల చేస్తూ చర్యలు తీసుకునేందుకు ఆయా జిల్లా ఎన్నికల అధికారికి, మున్సిపాలిటీ కమిషనర్లుకు సోమవారం ఉత్తర్వులు జారీ చేసింది. అసెంబ్లీ నియోజకవర్గాల ఓటర్ల జాబితా (01.10.2025 నాటి డేటా) ఆధారంగా మున్సిపల్‌ వార్డుల వారీగా ఫోటోలతో కూడిన ఓటర్ల జాబితాను సిద్ధం చేయాలని ఎన్నికల సంఘం అధికారులను ఆదేశించింది. జనవరి 1న ముసాయిదా ఓటర్ల జాబితాను ప్రచురిస్తారు. ఈ జాబితాపై అభ్యంతరాలు లేదా సవరణలు ఉంటే నోటీసు బోర్డుల ద్వారా తెలియజేయవచ్చు. అన్ని సవరణల తర్వాత జనవరి 10, 2026న తుది జాబితాను విడుదల చేస్తారు.

ఓటర్ల జాబితా తయారీ షెడ్యూల్‌ ఇదే:

ఈసీఐ పోలింగ్‌ స్టేషన్ల డేటాను మున్సిపాలిటీల వారీగా క్రమబద్ధీకరించడం 30.12.2025

వార్డుల వారీగా పోలింగ్‌ స్టేషన్ల డేటా విభజన 31.12.2025

మున్సిపల్‌ వార్డుల వారీగా ఓటర్ల జాబితా రూపకల్పన 31.12.2025

ఓటర్ల జాబితా ప్రచురణ (అభ్యంతరాల స్వీకరణ) 01.01.2026

రాజకీయ పార్టీల ప్రతినిధులతో సమావేశం 05.01.2026 – 06.01.2026

తుది ఓటర్ల జాబితా ప్రచురణ 10.01.2026

మున్సిపాలిటీ వార్డులు ఓటర్లు మొత్తం

భువనగిరి -35 వార్డులు, జనాభా -47913,

మోత్కుర్‌ - 12 వార్డులు, జనాభా 14423,

ఆలేరు -12 వార్డులు, జనాభా 13526,

చౌటుప్పుల్‌ -20 వార్డులు, జనాభా 27300,

పోచంపల్లి -13 వార్డుల్లో, జనాభా 15665,

యాదగిరిగుట్ట -12 వార్డుల్లో, జనాభా -13526,

వార్డుల వారీగా ఓటర్ల జాబితాకు నోటిఫికేషన్‌ జారీ చేసారు.