యాదాద్రి భువనగిరి, స్థానిక ప్రధాన ప్రతినిధి

వికలాంగులు ప్రభుత్వ సంక్షేమ పథకాలను వినియోగించుకొని ఆత్మవిశ్వాసంతో ముందుకు సాగాలని జిల్లా కలెక్టర్ హనుమంత రావు పిలుపునిచ్చారు. వికలాంగులు ఎదుర్కొంటున్న సమస్యలను నేరుగా తమ దృష్టికి తీసుకురావాలని సూచించారు.జిల్లా కేంద్రంలో ఎన్‌పిఆర్‌డీ తెలంగాణ రాష్ట్ర కమిటీ ముద్రించిన 2026 క్యాలెండర్‌ను కలెక్టర్ హనుమంత రావు, జిల్లా ఎస్పీ ఆకాంక్ష యాదవ్ సంయుక్తంగా ఆవిష్కరించారు.ఈ సందర్భంగా ఎస్పీ ఆకాంక్ష యాదవ్ మాట్లాడుతూ వికలాంగులను కించపరిచినా, దూషించినా చట్టపరమైన చర్యలు తప్పవని హెచ్చరించారు. వికలాంగులు వైకల్యాన్ని లోపంగా భావించకుండా జీవితంలో రాణించాలని పిలుపునిచ్చారు.కార్యక్రమంలో ఎన్‌పిఆర్‌డీ నాయకులు వనం ఉపేందర్, సురూపంగా ప్రకాష్‌తో పాటు జిల్లా కమిటీ సభ్యులు పాల్గొన్నారు.