యాదాద్రి భువనగిరి జిల్లా వలిగొండ పట్టణంలోని గాంధీనగర్ కాలనీలో భోగి పండుగను పురస్కరించుకుని శివపుత్ర యూత్ ఆధ్వర్యంలో భోగి మంటలను ఘనంగా నిర్వహించారు. పాతదాన్ని విడిచి కొత్త ఆశయాలతో ముందుకు సాగాలనే సందేశంతో ఈ కార్యక్రమం ఉత్సాహంగా సాగింది.

ఈ సందర్భంగా యూత్ అధ్యక్షులు గోదా రంజిత్ గౌడ్ మాట్లాడుతూ, భోగి పండుగ సామాజిక ఐక్యతకు ప్రతీకగా నిలుస్తుందన్నారు. యువత అంతా కలిసి సంప్రదాయాలను కాపాడుకోవడం అభినందనీయమని తెలిపారు.

కార్యక్రమంలో జేరిపోతుల సురేష్, మునుకుంట్ల రాహుల్, కీర్తి సంజు, గర్దాస్ మనోహర్, బాచి మధు, సందీప్, మణిదీప్, సాయి, చింటూ, నాగేష్, ప్రభాస్ తదితరులు పాల్గొని ఏర్పాట్లను పర్యవేక్షించారు.

భోగి మంటల వేడుకలో కాలనీవాసులు, మహిళలు, చిన్నపిల్లలు, పెద్దలు పెద్ద సంఖ్యలో పాల్గొని పండుగ శుభాకాంక్షలు పంచుకున్నారు.