రామన్నపేట,

పట్టణంలోని ప్రసిద్ధ శ్రీ భూదేవి–లీలాదేవి సమేత శ్రీ చెన్నకేశవస్వామి దేవాలయంలో బ్రహ్మోత్సవాలు శనివారం భక్తిశ్రద్ధల మధ్య ఘనంగా ప్రారంభమయ్యాయి. ఆలయంలో ప్రత్యేక పూజలు, హోమాలు, వేద మంత్రోచ్ఛారణలతో ఆధ్యాత్మిక వాతావరణం నెలకొంది.

ఉత్సవాల్లో భాగంగా జెల్లా రజని–వెంకటేష్ దంపతులు స్వామివారి మూలవిరాట్టుకు పట్టు వస్త్రాలు సమర్పించి ప్రత్యేక పూజలు నిర్వహించారు. అనంతరం నిర్వహించిన హోమ కార్యక్రమంలో ప్రజాప్రతినిధులు, ఆలయ కమిటీ సభ్యులు, భక్తులు పెద్ద సంఖ్యలో పాల్గొని స్వామివారి ఆశీస్సులు పొందారు.

ఈ కార్యక్రమంలో సర్పంచ్ గరిక రాధిక–సత్యనారాయణ, ఉపసర్పంచ్ మోటే రమేష్, ఆలయ చైర్మన్ ఉపేందర్–జానకి, కొంపల్లి సుమలత–సురేష్, సిందం లక్ష్మీబాయి–లింగయ్య, రాపోలు రాజశేఖర్, మిరియాల కవిత–వెంకటయ్య, మిరియాల జయమ్మ–రమేష్, చంద్రగిరి పుష్ప–నరసింహ, బొడ్డు శంకరయ్య, జింకల నరసింహ, దొంత యాదగిరి, అలిసేరు వంశీ, జ్యోతి, ఇంద్రమ్మ తదితరులు పాల్గొన్నారు. ఉత్సవాలకు భక్తులు అధిక సంఖ్యలో హాజరై ఆలయ ప్రాంగణాన్ని ఆధ్యాత్మిక శోభతో నింపారు.