ఉప్పల్ ప్రజలకు ఎమ్మెల్యే బండారి లక్ష్మారెడ్డి క్రిస్మస్ శుభాకాంక్షల

స్థానికం ప్రతినిధి హైదరాబాద్

ఉప్పల్ నియోజకవర్గ ప్రజలకు, క్రైస్తవ సోదర సోదరీమణులకు ఉప్పల్ ఎమ్మెల్యే బండారి లక్ష్మారెడ్డి క్రిస్మస్ పర్వదిన శుభాకాంక్షలు తెలిపారు. ప్రేమ, సేవ, క్షమాగుణాలను మానవాళికి బోధించిన యేసు క్రీస్తు జన్మదినం క్రైస్తవులకు అత్యంత ఆనందదాయకమైన పర్వదినమని ఆయన పేర్కొన్నారు.

క్రిస్మస్ సందర్భంగా క్రైస్తవ సోదరులకు శుభం చేకూరాలని, కుటుంబ సభ్యులతో కలిసి సుఖసంతోషాలతో పండుగను జరుపుకోవాలని ఆకాంక్షించారు. యేసు క్రీస్తు దీవెనలు ప్రతి ఒక్కరిపై ఉండాలని, సమాజంలో శాంతి, ఐక్యత, సౌభ్రాతృత్వం వర్ధిల్లాలని ప్రార్థించారు.