ఉద్యోగుల ఐక్యతే జిల్లా ప్రగతికి బలం

డైరీ–2026, క్యాలెండర్ ఆవిష్కరణలో అదనపు కలెక్టర్ వ్యాఖ్యలు

యాదాద్రి భువనగిరి, స్థానికం ప్రధాన ప్రతినిధి

యాదాద్రి భువనగిరి జిల్లా తెలంగాణ గెజిటెడ్, నాన్‌గెజిటెడ్ ఉద్యోగుల సంఘం నూతన డైరీ–2026, క్యాలెండర్‌ను కలెక్టరేట్ సమావేశ మందిరంలో అదనపు కలెక్టర్ భాస్కర్ రావు ఆవిష్కరించారు.

ఈ సందర్భంగా ఆయన మాట్లాడుతూ… జిల్లా ఉద్యోగులు క్రమశిక్షణతో విధులు నిర్వహిస్తూ యాదాద్రి భువనగిరి జిల్లాను రాష్ట్రంలో అన్ని రంగాల్లో ముందంజలో నిలిపారని ప్రశంసించారు. జేఏసీ చైర్మెన్ మందడి ఉపేందర్ రెడ్డి నాయకత్వంలో ఉద్యోగులు ఒకే తాటిపై నిలిచి ఐక్యంగా ముందుకు సాగడం జిల్లాకు బలమని పేర్కొన్నారు. ఈ ఐక్యత కొనసాగాలని ఆకాంక్షిస్తూ ఉద్యోగులందరికీ శుభాకాంక్షలు తెలిపారు.

కార్యక్రమం అనంతరం ఉద్యోగ సంఘాల నాయకులు మందడి ఉపేందర్ రెడ్డిని ఘనంగా సన్మానించారు.ఈ కార్యక్రమంలో భువనగిరి ఆర్డీవో కృష్ణా రెడ్డి, చౌటుప్పల్ ఆర్డీవో వి. శేఖర్ రెడ్డి, డీఆర్‌డీఓ నాగిరెడ్డి, టీజీవో జిల్లా అధ్యక్షుడు జగన్మోహన్ ప్రసాద్, తెలంగాణ నాన్‌గెజిటెడ్ సంఘం జిల్లా అధ్యక్షుడు ధరణికోట భగత్, ట్రెసా, పంచాయతీ కార్యదర్శుల సంఘాల ప్రతినిధులు, జిల్లా అధికారులు, టీజీవో, టీఎన్జీవో సభ్యులు పెద్ద సంఖ్యలో పాల్గొన్నారు.