విద్యార్థులే ఉపాధ్యాయులుగా ప్రతిభ చాటారు

చౌటుప్పల్ పట్టణంలోని సిటీ మోడల్ స్కూల్ లో శనివారం స్వపరిపాలన దినోత్సవాన్ని ఘనంగా నిర్వహించారు. ఈ కార్యక్రమంలో విద్యార్థులు చురుకుగా పాల్గొని, ఉపాధ్యాయుల పాత్రలను స్వీకరించి తరగతులను నిర్వహించారు. విద్యార్థుల ఆత్మవిశ్వాసం, నాయకత్వ లక్షణాలు, బాధ్యతాయుత వైఖరి అందరినీ ఆకట్టుకున్నాయి.ఈ సందర్భంగా పాఠశాల ప్రిన్సిపాల్ మారేపెల్లి గోదాదేవి పాల్గొని, స్వపరిపాలనలో ఉపాధ్యాయులుగా వ్యవహరించిన విద్యార్థులకు బహుమతులు అందజేశారు.ముఖ్య బాధ్యతలు నిర్వహించిన విద్యార్థులు సీఎం గా ఆనంద్, కలెక్టర్ సిహెచ్.హరిక, డీఈవో నవనీత, ఎంఈఓ జాహ్నవి,చైర్మన్ డి. వరుణ్,ప్రిన్సిపాల్ సిహెచ్.నవ్వశ్రీ, ఉపాధ్యాయిగా సంతోషి సాక్షి లు వ్యవహరించారు. నాయకత్వ వికాసానికి దోహదం స్వపరిపాలన దినోత్సవం ద్వారా విద్యార్థుల్లో నాయకత్వ గుణాలు, బాధ్యతాభావం, సంఘటిత భావన పెంపొందుతాయని ఉపాధ్యాయులు పేర్కొన్నారు.