నల్గొండ, జూన్ 27: నార్కెట్‌పల్లి మండలం షాపల్లి గ్రామ మహిళా కాంగ్రెస్ శాఖ అధ్యక్షురాలిగా గ్రామానికి చెందిన కన్యబోయిన సంతోష్ నియమితులయ్యారు. ఈ మేరకు శుక్రవారం జిల్లా కేంద్రంలో ఐఎన్‌టీయూసీ జిల్లా అధ్యక్షురాలు శ్రావణి ఆమెకు నియామక పత్రాన్ని అందజేశారు.

ఈ సందర్భంగా శ్రావణి మాట్లాడుతూ, ఐఎన్‌టీయూసీ జాతీయ ఆర్గనైజింగ్ సెక్రటరీ ఎరగని నాగన్న గౌడ్ ఆధ్వర్యంలో పార్టీ, యూనియన్ బలోపేతానికి కృషి చేయాలని సూచించారు.

నూతన అధ్యక్షురాలు కన్యబోయిన సంతోష్ మాట్లాడుతూ, తనపై నమ్మకం ఉంచి బాధ్యతలు అప్పగించిన ఐఎన్‌టీయూసీ జిల్లా అధ్యక్షురాలు శ్రావణి, జాతీయ ఆర్గనైజింగ్ సెక్రటరీ ఎరగని నాగన్న గౌడ్, మంత్రి కోమటిరెడ్డి వెంకట్‌రెడ్డి, ఎమ్మెల్సీ శంకర్ నాయక్, డీసీసీ అధ్యక్షుడు పున్న కైలాస్ నేత, అంబటి సోమన్నలకు కృతజ్ఞతలు తెలిపారు.

గ్రామంలోని కార్మికులు, మహిళలకు ఎల్లప్పుడూ అందుబాటులో ఉంటూ వారి సమస్యల పరిష్కారానికి కృషి చేస్తానని ఆమె పేర్కొన్నారు.