హెచ్‌పీ పెట్రోల్ బంక్‌లో వినియోగదారుల అవస్థలు

చౌటుప్పల్ మున్సిపాలిటీ పరిధిలోని బస్టాండ్ ఎదురుగా ఉన్న హెచ్‌పీ పెట్రోల్ బంక్ నిబంధనల ఉల్లంఘనకు అడ్డాగా మారింది. నిత్యం వందలాది మంది వచ్చే ఈ బంక్‌లో కనీస సౌకర్యాలు కరువయ్యాయి. మరుగుదొడ్ల వసతి లేకపోవడంతో నిత్యం ప్రయాణించే దాదాపు 250 మందికి పైగా మహిళలు, వాహనదారులు తీవ్ర ఇబ్బందులు పడుతున్నారు. బంక్‌లో కనీసం తాగునీటి సౌకర్యం కూడా లేదు.

​ప్రభుత్వ నిబంధనల ప్రకారం వాహనాలకు ఉచితంగా గాలి కొట్టాల్సి ఉండగా.. ఇక్కడి యాజమాన్యం ఉచిత పంపును పక్కనబెట్టి, ప్రైవేట్ వ్యక్తికి అద్దెకు ఇచ్చింది. దీంతో సదరు వ్యక్తి వాహనదారుల నుండి అడ్డగోలుగా డబ్బులు వసూలు చేస్తున్నాడు. నియమ నిబంధనలు గాలికొదిలేసిన ఈ బంక్ యాజమాన్యంపై యాదాద్రి భువనగిరి జిల్లా పౌర సరఫరాల అధికారి (CSO) తక్షణమే క్షేత్రస్థాయిలో పరిశీలన జరిపి, కఠిన చట్టపరమైన చర్యలు తీసుకోవాలని రియల్ ఎస్టేట్ వ్యాపారుల సంఘం చౌటుప్పల్ అధ్యక్షులు పేరేపల్లి స్వామి గౌడ్, స్థానికులు డిమాండ్ చేస్తున్నారు.