నల్గొండ జిల్లా చిట్యాల మండలం ఆరెగూడెం గ్రామంలో ప్రముఖ స్వాతంత్ర్య సమరయోధుడు, సామాజిక న్యాయ సాధకుడు బాబు జగ్జీవన్ రావ్ జయంతి వేడుకలను ఆదివారం ఘనంగా నిర్వహించారు. గ్రామ సర్పంచ్ నాగంపల్లి శ్యామ్ సుందర్ ఆధ్వర్యంలో జరిగిన ఈ కార్యక్రమం గ్రామంలో ఉత్సాహభరిత వాతావరణాన్ని సృష్టించింది.ఈ సందర్భంగా నాయకులు, గ్రామ ప్రజలు బాబు జగ్జీవన్ రావ్ చిత్రపటానికి పూలమాలలు వేసి ఘన నివాళులర్పించారు. ఆయన స్వాతంత్ర్య పోరాటంలో చేసిన సేవలను, సమాజంలో సమానత్వం మరియు సామాజిక న్యాయం కోసం చేసిన కృషిని స్మరించుకున్నారు. సమాజ అభివృద్ధికి ఆయన చూపిన మార్గం ఆదర్శప్రాయమని పేర్కొంటూ, అదే దారిలో ముందుకు సాగాలని పిలుపునిచ్చారు.ఈ కార్యక్రమంలో ఉపసర్పంచ్ జుంజి రాజు, వార్డ్ సభ్యులు రాచమల్ల మహేష్, సాపిడి అనిత, లడే అనిత పాల్గొన్నారు. అలాగే అశోక్, శ్రీనివాస్, ప్రతాపరెడ్డి, ఆరూరి రాములు, మురాల శేఖర్, గ్రామ పెద్దలు మరియు ఇతరులు హాజరై కార్యక్రమాన్ని విజయవంతం చేశారు.