రోడ్లను ఆక్రమించి వ్యాపారాలు నిర్వహించకూడదని కోదాడ ట్రాఫిక్ ఎస్ఐ అంజిరెడ్డి తెలిపారు. కోదాడ పట్టణంలో ప్రధాన రహదారులపై రోడ్లు ఆక్రమించి నిర్వహిస్తున్న వ్యాపారాలను, బోర్డులను తొలగించాలని దుకాణాల నిర్వహణకు తెలియజేయడం జరిగిందని ఎస్ఐ అన్నారు. ప్రజల జాగ్రత్తలు రోడ్డు ప్రమాదాల నివారణలో భాగంగానే ఈ చర్యలు చేపట్టడం జరిగిందని తెలిపారు. పట్టణంలో పెరుగుతున్నది జన రద్దీ, వాహనాల రద్దీకి అనుగుణంగా పోలీసులు వాహనాల రద్దీని పునరుద్ధరిస్తూ పని చేస్తున్నారు అని తెలిపారు. రోడ్లని ఆక్రమించి వ్యాపారాలు నిర్వహించడం వల్ల వాహనదారులకు, సాధారణ ప్రజలకు, బాటసారులకు ఇబ్బందులు కలుగుతున్నాయి అన్నారు. దుకాణదారులు, వ్యాపారులు ఎవరు కూడా రోడ్లు ఆక్రమించి వ్యాపారాలు నిర్వహించకూడదని సూచించారు. రోడ్లపై వ్యాపారాలు నిర్వహించడం వల్ల వాహనదారులు వారి వాహనాలను రోడ్డు మధ్యలో నిలిపివేస్తున్నారు అన్నారు. ప్రజల సౌకర్యార్థం రోడ్ల ఆక్రమణలను తొలగిస్తాం అన్నారు. వ్యాపారులు పోలీసు వారికి సహకరించాలని కోరారు, దుకాణాల వద్ద CC కెమెరాలు ఏర్పాటు చేసుకోవాలని సూచించారు.