పగడిపల్లి,రాయగిరి గ్రామాల్లో రహదారి భద్రతపై భువనగిరి ట్రాఫిక్ పోలీస్ విస్తృత అవగాహన

భువనగిరి:జిల్లా ఎస్పీ ఆదేశాల మేరకు, భువనగిరి ట్రాఫిక్ పోలీస్ స్టేషన్ (టీఆర్‌పీఎస్) ఇన్‌స్పెక్టర్ ఆధ్వర్యంలో భువనగిరి మండల పరిధిలోని పగడిపల్లి,రాయగిరి గ్రామాల్లో రహదారి భద్రతపై విస్తృత అవగాహన కార్యక్రమాలు నిర్వహించారు.ఈ సందర్భంగా అధికారులు వాహనదారులు ట్రాఫిక్ నిబంధనలను తప్పనిసరిగా పాటించాలని, ద్విచక్ర వాహనదారులు హెల్మెట్ ధరించడం, నాలుగు చక్రాల వాహనాల్లో సీటుబెల్ట్ వినియోగించడం,మద్యం సేవించి వాహనాలు నడపకపోవడం, అతివేగాన్ని నివారించడం వంటి అంశాలపై ప్రజలకు అవగాహన కల్పించారు. అలాగే రోడ్డు ప్రమాదాల నివారణలో ప్రతి ఒక్కరూ బాధ్యతాయుతంగా వ్యవహరించాలని సూచించారు.ఈ అవగాహన కార్యక్రమంలో ట్రాఫిక్ మరియు చట్ట అమలు పోలీసులు,ఆర్టీఏ అధికారులు, టోల్ ప్లాజా అధికారులు,గ్రామ ప్రజలు, ఎన్జీఓ ప్రతినిధులు పాల్గొని రహదారి భద్రతపై అవగాహన పెంపొందించేందుకు తమ వంతు సహకారం అందించారు. ప్రజల ప్రాణాలు అమూల్యమైనవని,ట్రాఫిక్ నిబంధనలను పాటించడం ద్వారా ప్రమాదాలను గణనీయంగా తగ్గించవచ్చని అధికారులు తెలిపారు. ఈ కార్యక్రమంలో ట్రాఫిక్ పోలీసులు, యువకులు తదితరులు పాల్గొన్నారు.