రంగమ్మగూడెంలో ఉత్సాహంగా ముగ్గుల పోటీలు

స్థానిక ప్రధాన ప్రతినిధి

యాదాద్రి భువనగిరి జిల్లా రామన్నపేట మండలం కక్కిరేణి గ్రామపంచాయతీ పరిధిలోని రంగమ్మగూడెం గ్రామంలో కాంగ్రెస్ పార్టీ 10వ వార్డు సభ్యుడు వంగాల అవినాష్ ఆధ్వర్యంలో ముగ్గుల పోటీలు ఘనంగా నిర్వహించారు. పండుగ వాతావరణంలో సాగిన ఈ కార్యక్రమానికి గ్రామ మహిళలు పెద్ద సంఖ్యలో పాల్గొని తమ ప్రతిభను ప్రదర్శించారు.

ముగ్గుల పోటీలో విజేతలుగా

ఫస్ట్ ప్రైజ్ – మాండ్ర పూజ,

సెకండ్ ప్రైజ్ – మద్దెగళ్ల ఉమా,

థర్డ్ ప్రైజ్ – పల్సం సంతోష నిలిచారు. విజేతలకు వంగాల అవినాష్ తన వంతుగా ఆర్థిక సహాయంతో బహుమతులు అందజేశారు.

ఈ సందర్భంగా అవినాష్ మాట్లాడుతూ, రంగమ్మగూడెం మహిళలు మరింత చైతన్యవంతులుగా ఎదగాలని, రాబోయే రోజుల్లో మహిళలు అన్ని రంగాల్లో ఉన్నత స్థాయికి చేరాలని ఆకాంక్షించారు. మహిళా శక్తిని ప్రోత్సహించడమే లక్ష్యంగా ఇలాంటి కార్యక్రమాలు కొనసాగిస్తామని తెలిపారు.

ఈ కార్యక్రమానికి ముఖ్య అతిథిగా హోంగార్డు శ్రీశైలం యాదవ్ హాజరై మహిళలను అభినందించారు.ఈ వేడుకలో కాంగ్రెస్ పార్టీ కార్యకర్తలు ముద్రబోయిన మల్లయ్య, వంగాల ఉపేందర్, ముద్రబోయిన ఆంజనేయులు, ముద్రబోయిన లింగస్వామి, మద్దెగళ్ల శీను, మద్దెగళ్ల ఉప్పలయ్యతో పాటు గ్రామ యువకులు, మహిళలు తదితరులు పాల్గొని కార్యక్రమాన్ని విజయవంతం చేశారు