హైదరాబాద్, భారత రత్న, మాజీ ప్రధానమంత్రి స్వర్గీయ రాజీవ్ గాంధీ వర్ధంతి సందర్భంగా తెలంగాణ సచివాలయంలోని ఆయన విగ్రహానికి భువనగిరి ఎంపీ చామల కిరణ్‌కుమార్‌రెడ్డి పూలమాల వేసి ఘనంగా నివాళులర్పించారు.

ఈ సందర్భంగా రాజీవ్ గాంధీ దేశానికి అందించిన సేవలను ఎంపీ స్మరించుకున్నారు. స్థానిక పాలనను బలోపేతం చేసేలా తీసుకొచ్చిన సంస్కరణలు, సమాచార సాంకేతిక రంగంలో ఆయన తీసుకొచ్చిన విప్లవాత్మక మార్పులు దేశ భవిష్యత్తును మార్చేశాయని కొనియాడారు. రాజీవ్ గాంధీ దూరదృష్టితోనే భారత్ ఆధునిక సాంకేతిక రంగంలో ముందంజలో నిలిచిందని పేర్కొన్నారు.