రాష్ట్రస్థాయి ఎస్‌జీఎఫ్ హాకీ పోటీలకు తక్షిల విద్యార్థుల ఎంపిక

నారాయణఖేడ్: స్థానికం ప్రతినిధి

ఉమ్మడి మెదక్ జిల్లా హాకీ ఎస్‌జీఎఫ్ ఆధ్వర్యంలో సంగారెడ్డి జిల్లా డాక్టర్ బి.ఆర్. అంబేద్కర్ మైదానంలో నిర్వహించిన అండర్–14 బాలబాలికల జట్టు ఎంపికల్లో నారాయణఖేడ్ తక్షిల పాఠశాల విద్యార్థులు ఉత్తమ ప్రతిభ కనబరిచి రాష్ట్రస్థాయికి ఎంపికయ్యారు.

ఈ ఎంపికల్లో తక్షిల పాఠశాలకు చెందిన లాస్య రెడ్డి, లలితాంబిక, మేరీ ప్రతిభావంతంగా ఆడుతూ సెలక్టర్లను ఆకట్టుకున్నారని కరస్పాండెంట్ శరత్ కుమార్ తెలిపారు. ఈ విద్యార్థులు ఈ నెల 24 నుంచి 26 వరకు వనపర్తిలో జరగనున్న రాష్ట్రస్థాయి ఎస్‌జీఎఫ్ హాకీ పోటీల్లో పాల్గొంటారని పేర్కొన్నారు.

విద్యార్థుల విజయం పట్ల పాఠశాల యాజమాన్యం, ప్రిన్సిపల్, ఉపాధ్యాయ బృందం హర్షం వ్యక్తం చేస్తూ, క్రీడా శిక్షకుడు పీఈటీ శ్రీనాథ్‌ను ప్రత్యేకంగా అభినందించారు.