రామన్నపేట, జనవరి 3: స్థానికం ప్రతినిధి

సావిత్రీబాయి ఫూలే జయంతి సందర్భంగా రామన్నపేట పట్టణ కాంగ్రెస్ ఆధ్వర్యంలో పట్టణ కేంద్రంలోని సుభాష్ సెంటర్‌లో ఆమె చిత్రపటానికి పూలమాలలు వేసి నివాళులర్పించారు.

ఈ సందర్భంగా పట్టణ కాంగ్రెస్ అధ్యక్షుడు మొహమ్మద్ జమీరుద్దిన్ మాట్లాడుతూ కుల వివక్షత, బాల్యవివాహాల వంటి సామాజిక దురాచారాలకు ఎదురొడ్డి పోరాడిన ధీర మహిళ సావిత్రీబాయి ఫూలే అని అన్నారు. మహిళల విద్యాభివృద్ధికి అంకితమైన తొలి తరం ఉద్యమకారిణిగా ఆమె చేసిన సేవలు చిరస్మరణీయమని పేర్కొన్నారు.

ఈ కార్యక్రమంలో రామన్నపేట మేజర్ గ్రామ పంచాయతీ సర్పంచ్ గరిక సత్యనారాయణ, ఉపసర్పంచ్ మోటే రమేష్, మండల సీనియర్ నాయకులు వనం చంద్రశేఖర్, జెల్ల వెంకటేశం, ఎండీ అక్రమ్, కొత్తపల్లి అబ్రహం, సాల్వెరు అశోక్, మొహమ్మద్ నాసర్, కోట సుధాకర్, కొమ్ము శేఖర్, మోటె మహేష్, కొమ్ము రామస్వామి, పల్లపు రవి, అజర్ తదితరులు పాల్గొన్నారు.