బీబీనగర్ స్థానికం ప్రతినిధి

బీబీనగర్ మండలంలోని రాఘవాపురం గ్రామంలో తెలంగాణ రాష్ట్ర ప్రభుత్వం నిర్వహిస్తున్న పారిశుద్ధ్య వార్షికోత్సవాలను శుక్రవారం ఘనంగా నిర్వహించారు. గ్రామ సర్పంచ్ సిద్ధగోని శ్రీకాంత్ గౌడ్ ఆధ్వర్యంలో ప్రాథమిక పాఠశాల సమీపంలో కార్యక్రమం జరిగింది.

ఈ సందర్భంగా గ్రామాన్ని పరిశుభ్రంగా ఉంచాల్సిన అవసరంపై అవగాహన కల్పించారు. పారిశుద్ధ్యం ప్రజారోగ్యానికి మూలాధారం అని, ప్రతి ఒక్కరూ స్వచ్ఛత పాటించాలని వక్తలు తెలిపారు.

కార్యక్రమంలో వార్డ్ సభ్యులు దొంతిరెడ్డి రాజశేఖరరెడ్డి, తోరుపునూరి రవి గౌడ్, న్యాలపట్ల అజయ్ గౌడ్, జక్కినగేష్, పొట్ట మంగమ్మ, మేకల కుమారస్వామి, మేకల కృష్ణ పాల్గొన్నారు. అలాగే పాఠశాల హెడ్‌మాస్టర్ పరుశరామ్, పొట్ట రాజు, గ్రామ పంచాయతీ కార్మికులు తదితరులు హాజరై కార్యక్రమాన్ని విజయవంతం చేశారు.