సోమందేపల్లి మండలంలోని ప్రాథమిక ఆరోగ్య కేంద్రం పరిధిలోని పందిపర్తి గ్రామంలో నిర్వహించబడుతున్న హ్యాండ్ హెల్డ్ ఎక్స్‌రే కార్యక్రమాన్ని జిల్లా లెప్రోసీ మరియు టి.బి అధికారి డా. అనుపమ జేమ్స్ తనిఖీ చేశారు.

ఈ సందర్భంగా టి.బి వ్యాధికి గురయ్యే అవకాశాలు ఉన్న వ్యక్తులను ఎంతమందిని గుర్తించారు, ఎంతమందికి ఎక్స్‌రేలు తీశారు, అందులో ఎంతమందికి అసాధారణ ఫలితాలు వచ్చాయి అనే అంశాలపై వివరాలు తెలుసుకున్నారు. అలాగే ఎక్స్‌రేలో అసాధారణ స్థితిలో ఉన్న వారికి తీసుకోవాల్సిన తదుపరి చర్యలపై అవసరమైన సలహాలు, సూచనలు అందించారు.

ఈ కార్యక్రమంలో జిల్లా టి.బి వైద్యాధికారి డా. ప్రణయ్ గారు, డిటిసి సిబ్బంది మల్లికార్జున, నాగేంద్ర గారు, ఆరోగ్య పర్యవేక్షకులు రవీంద్ర, పవన్, రవి, ఆరోగ్య సహాయకులు రాజశేఖర్, చంద్రశేఖర్, సీహెచ్ఓ అరుణబాయి, ఏఎన్ఎం చందుబాయ్, ఆశా కార్యకర్తలు త్రివేణి, జమున, గంగరత్న పాల్గొన్నారు.

అలాగే స్థానిక నాయకుడు శ్రీనివాస రెడ్డి గారు కూడా ఈ కార్యక్రమంలో పాల్గొన్నారు.