-రంజాన్ సందర్భంగా కొత్త ఇంటి గృహప్రవేశం

భువనగిరి మండల పరిధిలోని తాజ్‌పూర్ గ్రామానికి చెందిన పేద,ఒంటరి ముస్లిం మహిళ షేక్ అమీనా బి నివాసం లేక ఇబ్బందులు పడుతున్న విషయం తెలుసుకున్న గ్రామ సర్పంచ్ ర్యాకల సంతోష శ్రీనివాస్ ఆమెకు చేయూతనందించారు. తమ ఆర్.ఎస్.కె ఫౌండేషన్ ఆధ్వర్యంలో,సామాజిక వేత్త డాక్టర్ ర్యాకల శ్రీనివాస్ నేతృత్వంలో స్వంత ఖర్చుతో ఆమెకు కొత్త ఇంటిని నిర్మించి అందజేశారు. రంజాన్ పర్వదినం సందర్భంగా శనివారం ఆ ఇంటిలో గృహప్రవేశ కార్యక్రమాన్ని ఘనంగా నిర్వహించారు. ఈ సందర్భంగా సర్పంచ్ ర్యాకల సంతోష శ్రీనివాస్ మాట్లాడుతూ,గ్రామ ప్రజలకు ఎలాంటి సమస్య వచ్చినా ఎల్లప్పుడూ తమ సహాయ సహకారాలు అందుబాటులో ఉంటాయని,గ్రామ ప్రజల శ్రేయస్సే తన ప్రధాన లక్ష్యమని హామీ ఇచ్చారు.ఈ కార్యక్రమంలో సామాజిక వేత్త డా.ర్యాకల శ్రీనివాస్,ఉప సర్పంచ్ వరిగంటి కృష్ణ,వార్డు సభ్యులు పల్లెపాటి కృష్ణ,మహ్మద్ గాలిబీ యాకుబ్,బొమ్మారపు రామకృష్ణ,బొమ్మారపు లక్ష్మి బాలరాజ్,బీట్కూరి మహేష్,ఓరుగంటి మానస నాగరాజు,స్థానిక వార్డు సభ్యులు షేక్ అహ్మద్,గ్రామ పెద్దలు,యువకులు,మైనారిటీ సోదరులు తదితరులు పాల్గొన్నారు.