సూర్య దినపత్రిక క్యాలెండర్ ఆవిష్కరణ

రామన్నపేట (యాదాద్రి భువనగిరి జిల్లా):

రామన్నపేట మండల కేంద్రంలోని స్థానిక పోలీస్ స్టేషన్‌లో సూర్య దినపత్రిక సంవత్సర క్యాలెండర్‌ను సీఐ ఎన్.వెంకటేశ్వర్లు అధికారికంగా ఆవిష్కరించారు.

ఈ సందర్భంగా సీఐ వెంకటేశ్వర్లు మాట్లాడుతూ, సూర్య దినపత్రిక నిజాన్ని నిర్భయంగా ప్రజల ముందుకు తీసుకువెళ్తూ, ప్రజలకు–ప్రభుత్వానికి మధ్య వారధిగా పనిచేస్తోందని ప్రశంసించారు. ప్రజా సమస్యలను ఎప్పటికప్పుడు వెలికి తీస్తూ ప్రజాదరణ పొందుతున్న పత్రికలు విలువలతో కూడిన పాత్రికేయతను కొనసాగిస్తే సమాజానికి మరింత ఉపయోగకరంగా ఉంటాయని అన్నారు. అలాంటి పత్రికలను ప్రతి ఒక్కరూ గౌరవించాలని ఆయన పిలుపునిచ్చారు.ఈ కార్యక్రమంలో ఏఎస్ఐ సురేందర్, జందార్ కమలాకర్, సూర్య దినపత్రిక మండల రిపోర్టర్ తెలుసూరి మల్లేశం, పోలీస్ సిబ్బంది తదితరులు పాల్గొన్నారు.