స్థానిక యువతకు ఉపాధి కల్పించకపోతే ఆందోళనలు తీవ్రం

చౌటుప్పల్ పరిసర ప్రాంతాల్లో ఉన్న పరిశ్రమల్లో స్థానిక నిరుద్యోగ యువతకు ఉద్యోగ అవకాశాలు కల్పించాలని ఏఐవైఎఫ్ జిల్లా వర్కింగ్ ప్రెసిడెంట్ కొండూరి వెంకటేష్ డిమాండ్ చేశారు. అనేక సంవత్సరాలుగా స్థానికులు ఉద్యోగాల కోసం పోరాటాలు చేస్తున్నప్పటికీ పరిశ్రమలు పట్టించుకోవడం లేదని ఆయన ఆవేదన వ్యక్తం చేశారు.డిగ్రీ, పీజీలు పూర్తి చేసిన యువత ఉద్యోగాలు లేక ఇబ్బందులు పడుతున్నారని, తమ ప్రాంతంలోనే పరిశ్రమలు ఉన్నప్పటికీ బయట ప్రాంతాలకు వెళ్లాల్సిన పరిస్థితి ఏర్పడిందని తెలిపారు. ఈ ప్రాంతంలోని పంట పొలాలు, బూగర్భ జలాలు పరిశ్రమల వల్ల తీవ్రంగా కలుషితం అవుతున్నాయని ఆరోపించారు. రసాయన పరిశ్రమలు వ్యర్థాలను యథేచ్ఛగా పారబోస్తున్నప్పటికీ అధికారులు చర్యలు తీసుకోవడం లేదని విమర్శించారు.స్థానికులకు ఉద్యోగాలు ఇవ్వకుండా పర్యావరణాన్ని నాశనం చేస్తే ప్రజలు ఊరుకోరని, భవిష్యత్తులో తీవ్ర ఆందోళనలు తప్పవని హెచ్చరించారు.ఈ సమావేశంలో బద్దుల సుధాకర్, దాసరి మనోహర్, గుండెబోయిన భాస్కర్, ఉడుత రాజు, దాసరి సిద్దు, రాంచరణ్, సాయితేజ తదితరులు పాల్గొన్నారు