నల్లగొండ జిల్లా చిట్యాల మండలం పరిధిలోని చిన్నకాపర్తి గ్రామంను ప్లాస్టిక్ రహిత గ్రామంగా తీర్చిదిద్దడమే తమ లక్ష్యమని జిల్లా మహిళా సంఘం అధ్యక్షురాలు ఆవుల మాధవి తెలిపారు. నకిరేకల్ నియోజకవర్గ పరిధిలోని ఈ గ్రామంలో గ్రామ సర్పంచ్ ఆవుల సుందర్ ఆధ్వర్యంలో సోమవారం ప్లాస్టిక్ నిషేధంపై అవగాహన ర్యాలీ నిర్వహించారు.ప్రభుత్వం ప్రకటించిన 99 రోజుల ప్రణాళికలో భాగంగా గ్రామంలో ప్లాస్టిక్ వినియోగం వల్ల కలిగే ప్రమాదాలపై ప్రజలకు అవగాహన కల్పించినట్లు వారు తెలిపారు. ప్లాస్టిక్ వాడకం పర్యావరణానికి తీవ్ర హానికరమని, రాబోయే తరాలకు పరిశుభ్రమైన వాతావరణం అందించడం ప్రతి ఒక్కరి బాధ్యత అని పేర్కొన్నారు.

ఈ సందర్భంగా గ్రామంలోని చిరు వ్యాపారస్తులకు ప్లాస్టిక్ వినియోగాన్ని నిలిపివేయాలని సూచిస్తూ నోటీసులు అందజేశారు. గ్రామాన్ని పూర్తిగా ప్లాస్టిక్ రహితంగా మార్చేందుకు ప్రజలు సహకరించాలని నాయకులు కోరారు.ఈ కార్యక్రమంలో పంచాయతీ కార్యదర్శి, ఉప సర్పంచ్ బెల్లంకొండ లావణ్య, రఘు, వార్డు సభ్యులు, గ్రామ ప్రజలు తదితరులు పాల్గొన్నారు.