అంగన్వాడీ కేంద్రాన్ని సందర్శించిన గాజుల సుకన్య

నకిరేకల్: స్థానికం ప్రతినిధి

నకిరేకల్ మున్సిపాలిటీ పరిధిలోని నాలుగో వార్డు సంతోష్‌నగర్‌లో ఉన్న అంగన్వాడీ 9వ కేంద్రాన్ని తెలంగాణ రాష్ట్ర మహిళా కాంగ్రెస్ ఉపాధ్యక్షురాలు, నకిరేకల్ మున్సిపల్ కౌన్సిలర్ గాజుల సుకన్య శ్రీనివాస్ సందర్శించారు.

ఈ సందర్భంగా ఆమె అంగన్వాడీ కేంద్రంలో అమలవుతున్న కార్యక్రమాలను పరిశీలించారు. మన తెలంగాణ ప్రజా ప్రభుత్వం అందిస్తున్న పౌష్టికాహారం పిల్లలకు సమయానికి, అన్ని రకాలుగా అందేలా చూడాలని అంగన్వాడీ టీచర్, ఆయా లకు సూచించారు. చిన్నారులకు చదువుతో పాటు ఆటలు, పాటలు నేర్పుతూ సమగ్ర అభివృద్ధి సాధించేలా కృషి చేయాలని సూచించారు.

అంగన్వాడీ కేంద్రాల ద్వారా పిల్లల ఆరోగ్యం, విద్యాబునాద బలపడుతుందని పేర్కొన్నారు. ప్రభుత్వం అందిస్తున్న సంక్షేమ పథకాలు అర్హులైన ప్రతి ఒక్కరికీ చేరేలా చూడాలని కోరారు.