చిన్నారిని ఆశీర్వదించిన పార్టీ రాష్ట్ర, జిల్లా నాయకత్వం

సూర్యాపేట జిల్లాలో తెలంగాణ రాజ్యాధికార పార్టీ జిల్లా మహిళా ప్రధాన కార్యదర్శి నారాయణ దాసు కవితా వేణు పుత్రిక నూతన వస్త్ర అలంకరణ మహోత్సవం ఘనంగా నిర్వహించారు. ఈ కార్యక్రమానికి హాజరైన తెలంగాణ రాజ్యాధికార పార్టీ రాష్ట్ర ప్రధాన కార్యదర్శి వట్టే జానయ్య యాదవ్, మహిళ వర్కింగ్ ప్రెసిడెంట్ నీరజ గౌడ్, జిల్లా మహిళా అధ్యక్షురాలు కొన్నెం మంజుల చిన్నారిని ఆశీర్వదించి కుటుంబ సభ్యులకు శుభాకాంక్షలు తెలిపారు.

ఈ సందర్భంగా చిన్నారి భవిష్యత్తులో ఉన్నత స్థాయికి ఎదిగి కుటుంబానికి మంచి పేరు తీసుకురావాలని ఆకాంక్షించారు. కార్యక్రమంలో పార్టీ నాయకులు, ప్రజా ప్రతినిధులు, కార్యకర్తలు పెద్ద సంఖ్యలో పాల్గొన్నారు.

ఈ కార్యక్రమంలో ఆత్మకూరు మండల అధ్యక్షుడు బొల్లె సైదులు, పట్టణ అధ్యక్షుడు కుంభం నాగరాజు, ప్రజా ప్రతినిధి నేలచెర్ల మధు, లింగాల సైదులు, వట్టే లింగరాజు, వెంకటేష్ గౌడ్, కుమార్ రాజ్ తదితరులు పాల్గొన్నారు.