సంగారెడ్డి కోర్టు ప్రాంగణంలో ఖేడ్ మున్సిపల్ చైర్మన్‌గా ఎన్నికైన నాగేష్ కుమార్ షేట్కార్ కు బార్ అసోసియేషన్ ఆధ్వర్యంలో ఘనంగా సన్మాన కార్యక్రమం నిర్వహించారు. ఈ సందర్భంగా అడ్వకేట్లు పూలమాలలు వేసి శాలువాలతో సత్కరించి అభినందనలు తెలిపారు. కార్యక్రమంలో పీపీ చంద్రశేఖర్ పటేల్, బసవరాజ్ పాటిల్,వైద్యనాథ్ పాటిల్,సంజీవరెడ్డి,వెంకట్ రాములు తదితరులు పాల్గొన్నారు. చైర్మన్‌గా ఎన్నిక కావడం పట్ల ఆనందం వ్యక్తం చేసిన నాగేష్ కుమార్ షేట్కార్ ప్రజల అభివృద్ధి కోసం కృషి చేస్తానని తెలిపారు. బార్ అసోసియేషన్ సభ్యులు ఆయన తన పదవిలో ప్రజలకు న్యాయం చేయడంలో ముందుండాలని ఆకాంక్షించారు. కార్యక్రమం ఆత్మీయ వాతావరణంలో విజయవంతంగా జరిగింది.