నూతన వధూవరులకు ఆశీస్సులు అందించిన గాజుల సుకన్య

నకిరేకల్ స్థానికం ప్రతినిధి:

నకిరేకల్ మున్సిపాలిటీ పరిధిలోని నారాయణరెడ్డి ఫంక్షన్ హాల్‌లో నాలుగో వార్డు సంతోష్‌నగర్‌కు చెందిన సుల్తాన్ ధనమ్మ–వెంకటయ్య కుమారుడి వివాహ మహోత్సవం ఘనంగా జరిగింది. ఈ కార్యక్రమానికి తెలంగాణ రాష్ట్ర మహిళా కాంగ్రెస్ ఉపాధ్యక్షురాలు, నకిరేకల్ మున్సిపల్ కౌన్సిలర్ గాజుల సుకన్య శ్రీనివాస హాజరై నూతన వధూవరులను ఆశీర్వదించారు.

ఈ సందర్భంగా వధూవరులకు శుభాకాంక్షలు తెలియజేస్తూ, వారు దాంపత్య జీవితంలో సుఖసంతోషాలతో, ఆయురారోగ్యాలతో వర్ధిల్లాలని ఆకాంక్షించారు. స్థానిక ప్రజలతో కలసి స్నేహపూర్వకంగా మాట్లాడిన ఆమె, కుటుంబ సభ్యులకు ప్రత్యేక అభినందనలు తెలిపారు.