స్థానిక ప్రతినిధి కొమిడాల మహేందర్ రెడ్డి.

నల్గొండ మున్సిపల్ రాజకీయాల్లో కాంగ్రెస్ పార్టీ కీలక నిర్ణయం తీసుకుంది. నల్గొండ మేయర్ అభ్యర్థిగా బుర్రి చైతన్య శ్రీనివాస్ రెడ్డి పేరును ఖరారు చేస్తూ టీపీసీసీ అధికారికంగా ప్రకటన చేసింది.ఎన్నికల సమరానికి సిద్ధమవుతున్న వేళ కాంగ్రెస్ పార్టీ ఈ నిర్ణయం తీసుకోవడం స్థానిక రాజకీయాల్లో ప్రాధాన్యం సంతరించుకుంది. పార్టీ కార్యకర్తల్లో ఉత్సాహం వెల్లివిరుస్తుండగా, అభ్యర్థి ఎంపికపై కాంగ్రెస్ శ్రేణుల్లో సానుకూల స్పందన వ్యక్తమవుతోంది.సంఘటనలను గమనిస్తే… నల్గొండ పట్టణంలో పార్టీని బలోపేతం చేసే దిశగా టీపీసీసీ ఈ నిర్ణయం తీసుకున్నట్లు రాజకీయ విశ్లేషకులు భావిస్తున్నారు. స్థానికంగా మంచి పట్టున్న నేతగా గుర్తింపు పొందిన బుర్రి చైతన్య శ్రీనివాస్ రెడ్డిపై పార్టీ అధిష్ఠానం పూర్తి నమ్మకం ఉంచినట్లు తెలుస్తోంది.ఇక అధికారిక ప్రకటనతో నల్గొండ మేయర్ పీఠం కోసం రాజకీయ వేడి మరింత పెరిగే అవకాశాలు కనిపిస్తున్నాయి. ప్రత్యర్థి పార్టీల వ్యూహాలు ఎలా ఉండబోతున్నాయన్నది ఆసక్తికరంగా మారింది.