నెల్లిబండ వార్డ్ మెంబర్ బీజేపీలో చేరిక

నల్గొండ స్థానిక ప్రతినిధి

భువనగిరి పార్లమెంట్ పరిధిలోని నకిరేకల్ మండలం నెల్లిబండ గ్రామానికి చెందిన వార్డ్ మెంబర్ లింగస్వామి బీజేపీలో చేరారు. మాజీ ఎంపీ, బీజేపీ రాష్ట్ర ఉపాధ్యక్షులు డాక్టర్ బూర నర్సయ్య లింగస్వామికి పార్టీ కండువా కప్పి అధికారికంగా పార్టీలోకి ఆహ్వానించారు.

ఈ సందర్భంగా డాక్టర్ బూర నర్సయ్య మాట్లాడుతూ, కేంద్ర–రాష్ట్ర ప్రభుత్వాల ప్రజాహిత కార్యక్రమాలపై ప్రజలకు విశ్వాసం పెరుగుతోందని, అదే ఫలితంగా గ్రామ స్థాయిలోనూ బీజేపీ బలోపేతం అవుతోందన్నారు. నెల్లిబండ గ్రామంలో బీజేపీకి మరింత బలం చేకూరుతుందని ఆశాభావం వ్యక్తం చేశారు.

ఈ కార్యక్రమంలో బీజేపీ జిల్లా అధ్యక్షులు నాగం వర్షిత్ రెడ్డి, నకిరేకల్ మండల అధ్యక్షులు బుడిగే సైదులు, మండల ప్రధాన కార్యదర్శి ఉప్పల నాగరాజు తదితరులు పాల్గొన్నారు.