శ్రీ లక్ష్మి గణపతి హోమంలో

ఎమ్మెల్యే కుంభం అనిల్ కుమార్ రెడ్డి

స్థానికం:యాదాద్రి భువనగిరి జిల్లా బ్యూరో శ్రీనివాస్

యాదాద్రి భువనగిరి జిల్లా భువనగిరి పట్టణంలోని శ్రీ మహాలక్ష్మి ధర్మశాలలో ధర్మశాల కమిటీ చైర్మన్ మంచి కంటి కృష్ణమూర్తి ఆధ్వర్యంలో వసంత పంచమి వేడుకలను ఘనంగా నిర్వహించారు. ఈ సందర్భంగా శ్రీ లక్ష్మీ గణపతి హోమం, పూర్ణాహుతి కార్యక్రమాన్ని అత్యంత భక్తిశ్రద్ధలతో నిర్వహించారు. స్థానిక ఎమ్మెల్యే కుంభం అనిల్ కుమార్ రెడ్డి హోమములో పాల్గొని పూజా కార్యక్రమాలు నిర్వహించారు ఈ సందర్భంగా అర్చకులు, ధర్మశాల కమిటీ సభ్యులు, మహిళలు. వారికి పూర్ణకుంభంతో స్వాగతం పలికి ఆశీర్వదించారు. ధర్మ శాల చైర్మన్ ఎమ్మెల్యేను పట్టు శాలువా కప్పి ఘనంగా సత్కరించారు. ఈ సందర్భంగా ఎమ్మెల్యే మాట్లాడుతూ గత 50 సంవత్సరాల క్రితం ఎంతో వైభవంగా వీరాజిల్లిన ధర్మశాలకు పూర్వవైభవాన్ని తీసుకొస్తామన్నారు. ఉమ్మడి జిల్లా వ్యాప్తంగా వివిధ వ్యాపార, ఇతర పనుల నిమిత్తం భువనగిరి కేంద్రానికి వచ్చే వ్యాపారులకు ప్రజలకు ఆశ్రయం కల్పించిన ధర్మశాల గత పాలకులు పట్టించుకోకపోవడంతో క్షీణ దశకు చేరుకుందని ఆవేదన వ్యక్తం చేశారు. తాము ప్రత్యేక దృష్టి కేంద్రీకరించి ధర్మశాల భవనాన్ని, మహాలక్ష్మి ఆలయాన్ని నిర్మిస్తామన్నారు. ధర్మశాల కమిటీ ఆ దిశగా ఎప్పటికప్పుడు ప్రయత్నం చేస్తూ ప్రభుత్వ సహకారాన్ని తీసుకోవాలన్నారు. అనంతరం పాఠశాల విద్యార్థులకు నోటుబుక్సు పెన్నులు పంపిణీ చేశారు. వసంత పంచమి వేడుకలకు విచ్చేసిన,గ్రంథాలయ జిల్లా చైర్మన్ ఆఫీస్,మార్కెట్ కమిటీ మాజీ చైర్మన్ పోతన ప్రమోద్ కుమార్, టిపిసిసి మాజీ నెంబర్ తంగళ్ళపల్లి రవికుమార్, మాజీ మున్సిపల్ చైర్మన్ పోతంశెట్టి వెంకటేశ్వర్లు, మున్సిపల్ మాజీ చైర్మన్ బర్రె జహంగీర్, పట్టణ కాంగ్రెస్ అధ్యక్షులు, కూర వెంకటేష్, మాజీ అధ్యక్షులు కుక్కదూగు సోమయ్య, రైస్ మిల్లర్స్ అసోసియేషన్ జిల్లా అధ్యక్షులు వెంకటేశ్వర్లు, సేవాదళ్ రాష్ట్ర నాయకులు పిట్టల బాలరాజు, వర్తకులకు ధర్మశాల కమిటీ శాలువాలు కప్పి ఘనంగా సత్కరించారు.