హోమియో డాక్టర్స్ అసోసియేషన్ రాష్ట్ర అధ్యక్షుడు డా. శివప్రసాద్

ఖమ్మం జిల్లా కేంద్రంలో 12 ఏళ్ల మైనర్ బాలికపై జరిగిన అమానుష ఘటనను తెలంగాణ హోమియో డాక్టర్స్ అసోసియేషన్ రాష్ట్ర అధ్యక్షుడు డాక్టర్ చినుకాని శివప్రసాద్ తీవ్రంగా ఖండించారు. వేసవి సెలవులకు తాతయ్య ఇంటికి వచ్చిన బాలికపై అదే అపార్ట్‌మెంట్‌కు చెందిన వ్యక్తి లైంగిక దాడికి పాల్పడి, ఆపై భవనం పైనుంచి కిందకు తోసేయడం అత్యంత కలచివేసిందన్నారు.

​ప్రస్తుతం రెండు కాళ్లు విరిగి, అంతర్గత అవయవాలు దెబ్బతిని ప్రాణాపాయ స్థితిలో ఉన్న బాలికకు ప్రభుత్వం ఉచితంగా మెరుగైన వైద్యం అందించాలని డిమాండ్ చేశారు. నిందితుడిపై కఠిన సెక్షన్ల కింద కేసు నమోదు చేయాలని, బాధితురాలి కుటుంబానికి ప్రత్యేక ఆర్థిక ప్యాకేజీతో పాటు ప్రభుత్వ ఉద్యోగం ఇచ్చి ఆదుకోవాలని ఆయన కోరారు. మంత్రులు, ప్రజాప్రతినిధులు బాధితులకు అండగా నిలవాలని విజ్ఞప్తి చేశారు.