రామన్నపేటలో కారు జోరు

స్థానిక ప్రతినిధి కొండమల్లేశం గౌడ్

రామన్నపేట మేజర్ గ్రామ పంచాయతీలో కారు స్పీడ్ పెంచారు. మేజర్ గ్రామపంచాయతీ సర్పంచ్ పదవికి పోటీ చేస్తున్న మిర్యాల మల్లేష్ 4వ, 5వ వార్డుల్లో శనివారం విస్తృతంగా ఇంటింటి ప్రచారం నిర్వహించారు. ప్రజల మద్దతుతో గ్రామాభివృద్ధి సాధ్యమని, పంచాయతీని ఆదర్శ గ్రామంగా తీర్చిదిద్దడమే తన లక్ష్యమని ఆయన పేర్కొన్నారు. తమకు కేటాయించిన ‘బ్యాట్’ గుర్తుకు ఓటు వేసి గెలిపించాలని మల్లేష్ ప్రజలను కోరారు.

ఈ ప్రచార కార్యక్రమంలో సిపిఎం పార్టీ నాయకులు, BRS నాయకులు, అలాగే భారీ సంఖ్యలో కార్యకర్తలు పాల్గొన్నారు. మల్లేష్ పర్యటనకు స్థానికులు మంచి స్పందన రావడంతో టిఆర్ఎస్ పార్టీ కార్యకర్తలలో ఉత్సాహం పెరిగింది.గ్రామ సమస్యల పరిష్కారం కోసం తమవంతు కృషి చేస్తామని సర్పంచ్ అభ్యర్థి మల్లేష్ భరోసా ఇచ్చారు. పంచాయతీ ఎన్నికల నేపథ్యంలో రామన్నపేటలో రాజకీయ వేడి మరింతగా పెరుగుతోంది.