ప్రశాంతంగా, సురక్షితంగా పండుగ జరుపుకోండి:

చైర్‌పర్సన్ మొగుదాల పావని రమేష్ గౌడ్ పిలుపు

హోలీ పండుగను ప్రశాంత వాతావరణంలో, సంప్రదాయాల నడుమ నిర్వహించుకోవాలని మొగుదాల పావని రమేష్ గౌడ్ సూచించారు.చౌటుప్పల్ మున్సిపాలిటీ చైర్‌పర్సన్‌గా ఆమె విడుదల చేసిన ప్రకటనలో పట్టణ ప్రజలకు హోలీ శుభాకాంక్షలు తెలిపారు.మున్సిపాలిటీ పాలకవర్గం తరపున అందరికీ శుభాభినందనలు తెలియజేశారు.

పండుగ సందర్భంగా ఎలాంటి అవాంఛనీయ సంఘటనలు చోటుచేసుకోకుండా జాగ్రత్తలు తీసుకోవాలని కోరారు. ముఖ్యంగా యువత సురక్షితమైన సహజ రంగులను మాత్రమే ఉపయోగించాలని, రసాయన రంగులను దూరంగా ఉంచాలని సూచించారు. తెలియని వ్యక్తులపై బలవంతంగా రంగులు చల్లవద్దని హెచ్చరించారు.హోలీ అనంతరం చెరువులు, లోతట్టు ప్రాంతాల్లో స్నానాలకు వెళ్లే యువత అప్రమత్తంగా ఉండాలని పేర్కొన్నారు. తల్లిదండ్రులు పిల్లలను గమనిస్తూ వారికి సరైన మార్గదర్శనం చేయాలని విజ్ఞప్తి చేశారు.